仲記唔記得中學時候嗰個訓導老師？你每一日返學佢就企係大門口前面恭候你大駕光臨，睇住邊個男仔gel頭，邊個女仔化妝，邊個著喇叭褲，邊個裙腳唔過膝頭。每年九月新學期嘅開始，你染啡色頭髮，我做highlight，佢耳仔釘咗五個耳窿，我哋三個街頭見到訓導主任，街尾齊齊走夾唔唞。如果當初Iris Lim真係攞咗個金牌，轉左行做學校訓導，我相信呢個香港一定會少咗好多MK仔。

Iris Lim嘅氣場由國泰城伸延至每個機艙，以至遠洋Walking on the Air嘅Catwalk Show。

一位合格的機艙服務員，如果你想將兩邊劉海放落黎面珠登遮住你嘅Baby Fat的話，我諗你可能要去減咗肥先。如果男仔你想將兩邊剷青中間gel起做個all back嘅話，你可能要辭咗職先。

我都想做黑色Gel甲，返工着尖頭漆皮鞋，豆零爭，穿三個耳窿，紋我隊band個名嚮手臂，帶個花花頭飾，響個手袋外面痴閃石，掛個叮噹行李牌紀念林保全嘅聲音，帶兩隻戒指同四條手鏈，但係sorry ，呢度唔再係學校，無灰色地帶，冇得搞對抗，冇得圍威喂。

「不要follow fashion ，要follow regulation」

如果你能夠同Iris迎面而過依然風采自信滿溢地點頭微笑，恭喜你，我見到你頭頂上面嘅光環了。